Suah ninga urang besebut ke kereja “tasik” tauka
“offshore”..Utai keterubah dalam pikir kitai iya nya “GAJI BESAI ooo..” amat
enti nuan nemu cara ya. Enti nuan baru udah lepas ari “Technical School” baka ILP, IKBN, Vokasional tauka ngembuan
Engineering background, enti nuan amai berminat ka begaji besai, pajak ke aja meh, anang masau diri. Dia meh endur urang ke bulih gaji ti nadai betatak tauka “No
Limit”.
Taja nuan amat bisi minat kereja tasik ,tang, enti nuan enda nemu nama utai
patut gaga sereta nangi bakani gaya pengidup urang lebuh gawa din, tauka mayuh
agi utai bukai ke ngacau runding nuan..Enda ngawa..laban tu meh blog kereja ke
tasik kitai iban ke ulih meri mimit penemu ke bisi ba aku, ngambi ke ulih di
kena bala rebak baru ya ke bisi ati kereja ke tasik, ngambi ka kita nemu nama
utai patut gaga sereta ngasuh kita enda kapa-kapa enti keterubah ya nuan gawa
din ila. Kebuah pia laban mayuh utai enda sebaka enti dibanding enggau kereja ba
darat.
.jpg)
Nama utai keterubah ya patut gaga?
Utai ke paling penting enti nuan ka kereja ke tasik, iya nya
“Safety” tauka “keselamatan”. Nya kebuah tiap iku kitai ke deka kereja din
patut ngembuan penemu ba safety tu. Sebedau nuan di anjung ngereja pengawa din,
nuan mesti ka ngambi “safety course” tauka kursus keselamatan dulu. Mayuh macam
kursus ke patut di ambi nuan nitih ke endur nuan bekereja. Tang, sebedau nuan ngambi safety course nya tadi, nuan mesti
ka ngambi “Medical course” dulu. Sampai nuan pass medical course, baru nuan
ulih ngambi safety course.
Udah nuan bisi 2 iti nya tadi, nuan deka nunggu siti da agi,
iya nya “Offshore Safety Passport” tauka “Smart Card”. Smart Card tu kira ke
baka IC kitai nya meh di kena kitai “check in” ba airport tauka ba boat
terminal lebuh maya nuan ka nurun ke tasik. Semua maklumat Safety Course enggau
Medical Course bisi di simpan dalam smart card nya magang.
Nuan mesti ka nyedia ka modal tauka duit ti sema kompeni
nuan nadai mayar ke nuan kena ngaga utai nya tadi. Kekadang utai tu enggau
nasip ga, laban bisi sekeda kompeni ya mayar ke kitai. Tang, paling manah nuan
nyedia ka modal nangi ke kompeni enda mayar ke nuan.
bakani enti baka tudah aku tok rabun.nama ulih lepas kini medical ku??laban utai bukai nadai ngawa.nangi ke mata..laban mayuh org madah,, bak blog, mata mesti manah ko sida yar.amat nyak tuan?
ReplyDeletebakani enti baka tudah aku tok rabun.nama ulih lepas kini medical ku??laban utai bukai nadai ngawa.nangi ke mata..laban mayuh org madah,, bak blog, mata mesti manah ko sida yar.amat nyak tuan?
ReplyDeleteHello Tuan, Aku ka nemu nuan udah kala ngaga medical course? Enti udah, keni baka? Pass ka Failed? Enti nuan pass medical course, nadai utai nanggul agi meh nya tuan.
ReplyDeleteTang enti bedau, ba penemu aku, manah nuan medical course dulu awakka nuan ulih nemu ni level visual test nuan. Ba aku nadai rugi nuan medical course taja nuan kurang konfiden ulih pass ba visual test, sekurang2 ya nuan puas hati. Nuan ulih madah agai doktor nama jenis pengawa nuan ba offshore ila enti sema pengawa nuan nya tadi beguna mata ti enda rabun. Hal tu ulih minta penemu ari doktor enti sema level rabun nuan agi ok. Reti nya tadi, minta consider ari ya ngasuh medical nuan pass.
Nama2 aja pengawa ka agai offshore, Medical lesen No 1..Medical Failed, No Offshore tuan. Ukai semina nya aja, Medical Failed, ngambi Sea Survival Course pan enda ulih.Tq tuan. Very nice sharing..:)